قالت معذوره لو اقول ياحيف
ماتو الرجال وباقي اشباه الرجال
والبن حتي البن ماعاد به كيف
ولي تشوف العين اغرب من الخيال
زمان كان الرجل يتباها بالسيف
واليوم صار السيف لعبه للعيال
والبيت ماعاد فيه مكان للضيف
لان المجالس صارت مكان الاختيال
يقولوا خلي الطبخ واعطيه لشيف
واحضر مع الفرسان حزات النزال
لاتخلط الاوراق وتتعمد الزيف
وتقول ماء البحر كما العذب الزلال
من غبت حتي اليوم مامرلك طيف
حتي طيوفك كيف تعرف الاحتيال؟
قلت اشكرك يوم قمتي بتزيف
مشاعري نحوك في هذا المجال
لاتحسبني كنت مجرد سحابة صيف
تمطر شوي وتغيب من بعد السبال
انا الي وزني في الباديه والريف
ولي علي نهجي يستهوي الجمال
واذا وعدت بشي انا جبل ومنيف
ماتهزني ريح ولااهاب الرجال
رد مع اقتباس
