ظلام العيد يايمه
يسعدهم ويشقيني
وكل مافيه من فرحه
غصب عني تبكيني
انا المحتاجه يا يمه ..
تواسيني .. تضميني
أنا يا يمه من بعدك
شظايا فقد . لميني
جبرني الشوق بدروبي
ورجلي ماتمشّيني
كأنه حلم قدامي
ولا أحدن يصحّيني
ابي اهنيك يايمه
وانتي بعد تهنّيني
اقبل ايدك ورجلك
وافرش لك رمش عيني
وما بي حد يعايدني
ابيك انتي تزوريني
خذيني بجبرة الخاطر
انا بي برد . دفيني
أعايدهم وأتنهد
ودموعي ماليه عيني
فداك الغاليه روحي
ومايبقى من سنيني
العبريه(شذى المسك)