ماراااح من عمر التعب..مايكفيك؟
ﻣﺎ ﻫﺰﺗﻚ ﻃﻴﺤـﺔ ﻫﻘﺎﻭﻳـﻚ .. ﺩﻭﻧـﻚ؟
*
ﻳﺎ "ﺑﺎﻋﺚ" ﻗﺒـﻮﺭ ﺍﻟﺤـﺰﻥ ﻓـﻲ ﻣﺤﺎﻧﻴـﻚ
ﻟﻮ ﻣـﺎ ﺭﺟﻌـﺖ ﻟْﺪﻓﻨﻬـﺎ .. ﻳﺪﻓﻨﻮﻧـﻚ
*
ﻫﺬﺍ ﺍﻟﺤﺰﻥ ﻟـﻮ ﻣﺎﻧﺘﻬـﻰ ﺑـﻚ ﺑﻴﻨﻬﻴـﻚ
ﺧﺎﻭﻯ ﺗﻔﺎﺻﻴﻠﻚ .. ﻭﻋـﻮّﺩ ﺑﺪﻭﻧـﻚ !
*
ﺷﻒ ﺷﻴﺒﻚ ﺍﻟﻠﻲ ﻣﻦ ﻫﻤﻮﻣﻚ ﻋﺜﻰ ﻓﻴـﻚ
ﻭﻛﻴﻒ ﺍﻟﺘﺠﺎﻋﻴﺪ ﻋْﺒﺜﺖ ﻓـﻲ ﺟﻔﻮﻧـﻚ !
*
ﺟﺴﻤﻚ ﺗﻬـﺎﻭﻯ ﻣـﻦ ﻋﻨـﺎﻙ ﻭﺗﻌﻨّﻴـﻚ
ﻭﻧﺒـﺮﺍﺕ ﺻﻮﺗـﻚ ﻏﺎﻟﺒﺘﻬـﺎ ﺷﺠﻮﻧـﻚ
*
ﻷْﻧﻚ ﺗﻨﻔﺴـﺖ ﺍﻟﺸﻘـﺎ ﻓـﻲ ﻣﺴﺎﺭﻳـﻚ
ﺷﻒ ﻛﻴﻒ ﺻﺪﺭﻙ ﻣﺨﺘﻨﻖ ﻣﻦ ﻃﻌﻮﻧـﻚ!
*
ﺑﻌﺖ ﺍﻟﻤﻨـﺎﻡ ﻟﻌﻴـﻦ ﻣـﻦ ﻧـﺎﻡ ﻧﺎﺳﻴـﻚ
ﺣﺘﻰ ﻏـﺪﻯ ﻟﻴـﻞ ﺍﻟﺴﻬـﺎﺭﻯ ﺯﺑﻮﻧـﻚ
*
ﻻ ﺗﻨﺘﻈـﺮ ﻣـﻦ ﺧﺎﻧـﻚ ﺇﻧـﻪ ﻳﻮﺍﺳﻴـﻚ
ﻟـﻮ ﻫـﻮ ﻳﺤﺒـﻚ ﻣـﺎ ﺗﺠـﺮﺃ ﻳﺨﻮﻧـﻚ !
*
ﻗﻠﺒـﻚ ﺗﻌﻠّـﻖ ﻓـﻲ ﻣﺨﺎﻟﻴـﻖ ﺗﺸﻘـﻴـﻚ
ﻭﻧﺴﻴﺖ ﺣﺐ ﺍﻟﺨﺎﻟﻖ ﺍﻟﻠـﻲ ﻳﺼﻮﻧـﻚ !
*
ﺍﻟﻨﺎﺱ ﻓﻲ ﻋﻮﻧـﻚ ، ﺇﺫﺍ ﺍﻟﺤـﻆ ﻳﻌﻄﻴـﻚ
ﻭﺍﻥ ﺷﺢ ﺣﻈـﻚ؟ ﻗﺎﻟـﻮﺍ: ﺍﻟﻠﻪ ﺑﻌﻮﻧـﻚ!
*
ﺍﺭﻗﻰ ﻋـﻦ ﺃﺳﺒـﺎﺏ ﺍﻟﺰﻋـﻞ ﻻ ﺗﺨﻠﻴـﻚ
ﻋﺒﺪ ﻟﻬﻤﻮﻣـﻚ ﻛـﻞ ﻣـﺎ ﻳﺰﻋﻠﻮﻧـﻚ !
*
ﺩﻧﻴﺎﻙ ﺣﻠﻮﻩ .. ﻟـﻮ ﺗﻠﻔّـﺖ ﺣﻮﺍﻟﻴـﻚ؟
ﺗﻠﻘـﻰ ﻣـﻦ ﺑﻌـﺎﺩ ﺍﻟﺒﺸـﺮ ﻳﻨﺼﻔﻮﻧـﻚ
*
ﻟﻮ ﺷﻔﺘﻬﺎ ﺑﻌﻴﻦ ﺍﻟﺮﺿـﺎ ﻫـﻲ ﺗﺮﺍﺿﻴـﻚ
ﻭﻟﻮ ﺑﺎﻟﻜﺪﺭ ؟ ﻣـﺎ ﺧﺎﻟﻔﺘـﻚ ﺑﻈﻨﻮﻧـﻚ!
*
ﺍﻓﺮﺩ ﺟﻨﺎﺣﻴـﻦ ﺍﻟﻔـﺮﺡ ﻓـﻮﻕ ﻣﺎﺿﻴـﻚ
ﺣﻠّﻖ ﻋﻦ ﺍﻟﺬﻛـﺮﻯ ﻭﻣـﻦ ﻳﺠﺮﺣﻮﻧـﻚ
*
ﻏﻴّﺮ ﻣـﻦ ﺍﻟﻮﺍﻗـﻊ ﺇﺫﺍ ﻛـﺎﻥ ﻋﺎﺻﻴـﻚ
ﺟﺪﺩ ﻣﻦ ﺍﻷﺣﻼﻡ .. ﻣـﺎﺭﺱ ﺟﻨﻮﻧـﻚ!
*
ﺍﺯﺭﻉ ﻓﻴﺎﻓﻲ ﺍﻟﺼـﺪﺭ ﺑﺄﺧﻀـﺮ ﻃﻮﺍﺭﻳـﻚ
ﺍﻟﻜﻮﻥ ﻛﻠﻪ ﺳﺎﻋـﺔ ﺭﺿـﺎﻙ .. ﻛﻮﻧـﻚ
*
ﺍﻟﻠﻴﻞ ﺗﺴﻬـﺮ ﻣـﻊ ﻧﺠﻮﻣـﻪ .. ﺗﻨﺎﺟﻴـﻚ
ﻭﺗﺒـﺎﺩﺭ ﻃﻴـﻮﺭ ﺍﻟﺼﺒـﺎﺡ ﺑﻠﺤـﻮﻧـﻚ
*
ﺑـﺚ ﺍﻟﺠﻤـﺎﻝ ﺑﻜـﻞ ﺭﺳـﻢ ﻟﻤﻌﺎﻧﻴـﻚ
ﺧﻞّ ﺍﻟﻄﺒﻴﻌـﻪ ﺗﺎﺧـﺬ ﺍﺣﺴـﺎﺱ ﻟﻮﻧـﻚ
*
ﺧﺬ ﻣﻦ ﺧﻄﺎﻙ ﺍﻟﻠﻲ ﻳﺼﺤـﺢ ﺧﻄﺎﻭﻳـﻚ
ﻻﺗﺸﻴـﻞ ﻣـﺎ ﻻ ﺗﺴﺘﻄﻴﻌـﻪ ﻣﺘـﻮﻧـﻚ
*
ﻭﺍﻥ ﺿﻘﺖ.. ﺃﻭ ﺿﺎﻕ ﺍﻟﺰﻣﻦ؟ ﺍﺭﻓﻊ
ﺍﻳﺪﻳﻚ
ﻟﻚ ﺭﺏ ﻣﺎ ﻳﺨﺬْﻟـﻚ .. ﻟـﻮ ﻳﺨﺬﻟﻮﻧـﻚ
*
رد مع اقتباس
المشاركة الأصلية كتبت بواسطة نسر البوادي
