-
ياقرّة القلب مدري قرّة الأمنيات
الله ياذكريات العام .. عِيد الفطر
وشلون بنْسى غلاك وكيف يصبح شِتات
وغلاك والقلب مثل الدَّايـره والقطر
اصارع الشوق بعدك من جَميع الجهات
واقول ياليت وصلِك مثل ذكْرك عَطِر
بين الامل في لقاك وبين مافات مات
يجيبك الوقت ولاّ يجيب ربي مطر
وانتِ طريق الممات المُمتلي مغريات
القرب منك خطر والبعد عنك خطر
في عيونك امآل عاشق وابتسامة حَياة
ومن دونك الموت وسيُوف السلوم تْخطر
حبك حِكاية كتبها الشوق والتضحيات
واخاف لا تصير نقطة في نهاية سطر
البارحه والحنين ينرفز المفردات
مدري وش اللي على بال القريحه خَطر
حاولت اسوي قصيده تستثير السكات
وطاحت دموعي على الطاري من اول شطر
مايذبح العاشق ويسترجع الذكريات
الا مكان اللقى .. والأغنية .. والعطر
للشاعر : مُحسن بن تركي
رد مع اقتباس
المشاركة الأصلية كتبت بواسطة حكااية حلم
،
