-
قصيدة : طالبك
للشاعر : محمد جارالله السهلي
ليت لي حيله واجي واحتال بك
وليت ما قلت بحياتي ليتني !!
يابري حالي ليامن مال بك
التغنّج والدلع .. لا جيتني
دوم احس انه نعاسك غالبك
معنّي رموشك ! وانا عنّيتني !
بس .. ذا المره ما طاب الفال بك
جيت ولدرب الجفا حديتني
لكن اسمع هالشعر وش قال بك
دام صبت اللي تبي واخطيتني
الغلا حقك ! ولاني سالبك
ابسط حقوقك ولو مليتني
شوف عيني يوم دمعي سال بك
ضمتك حتى ولو ابكيتني
وانت رغم اني شغلت البال بك
سلت مع دمعك ولا ضميتني ؟!
كان به شي ٍ عليّه قالبك
بطلبك حاجه اذا خليتني
لانويت تحب غيري .. طالبك
لا تحبّه كثر ما حبّيتني !!
رد مع اقتباس
المشاركة الأصلية كتبت بواسطة نوارة الكون
