كلنـا للمـوت وان طـال العمـر
فـي النهايـة منتهـانـا للقـبـور
مايفيـد الطـب فـي رد الـقـدر
القـدر محتـوم والدنيـا عـبـور
وكـل شـي لامحالـة بينـدثـر
ويبقى وجه الله على مـر الدهـور
طيع ربـك وانتهـي عمـا زجـر
واطلب الغفران مـن رب غفـور
الـزم الطاعـات وانـواع الذكـر
ولايغرك حال من سـوى قصـور
العمـر لحظـات واللحظـة تمـر
ولي يمر من وقت مايرجع يـدور
انتبـه للـي أقـولـه واعتـبـر
واعلم اني ناصـح مـن دون زور
صاحب الأخيـار عاليـين القـدر
ولاتصاحب شخص في نفسه غرور
والحذر مـن حاسـد ثـم الحـذر
ابتعـد عنـه ولـو شفتـه وقـور
الحسود اللـي حياتـه فـي قهـر
من يشوف الخير فـي حـدٍ يفـور
لو غني المـال نفسـه فـي فقـر
مايسـده شـي ولاهـو بالشكـور
هي معانـي صغتهـا فيهـا درر
والمعاني تبتغي شخـص صبـور
والختام صلوا علـى خيـر البشـر
هو شفيع الناس في يـوم النشـور
رد مع اقتباس
المشاركة الأصلية كتبت بواسطة نسر البوادي
!
