معاناة سليمة في بيت زوجها ( اختصار لحال مجموعه من الزوجات)

[عيون البشر]

سليمه فقيره مدللة ابوها واخوانها
كل يوم تجلس معهم وابوها يتغزل فيها واخوانها يشاكسوها
بس واااجد يحبوها ويدللوها كأنها سندريلا من حلاها
ويوم تروح السوق ابوها يقولها خذي اللي تبي يا بنتي
وتشل ذاك السوق وابوها يضحك
ترجع البيت تساعد أمها وتخدم ابوها واخوانها
وهمه يبادلوها الحب كل ما خدمتهم كل ما سوت وجبه جات لأبوها مستحيه وشايله الصحن.
وهو يفرح ويقولها عاشت العروس ويحب الها راسها
الزمن يمر والوردة تكبر
والزمن له تصاريف ودروس وعبر
جاها الخطيب يدق الباب
وجات امه وحاطه ايدها ع سليمة وتقولها حبيبتي انتي غاااويه
تبسمت من كلامها الفقيرة ووافقت
الرجال في المجلس والحريم في الصالة
وسليمه فقيره تفكر جايه اجمل أيام العمر تدق بابها
صار اللي صار ودار الحوار وطلبوا الشبكه وحددوا كم المهر
وسليمه فرحانه
دفعوا المهر وصار اللي صار
وجاها العريس بليلة عرسهم وأجمل أيام العمر صارت تمر
بحكم العادة قامت سليمه تنظف الحوش الفجر
وتطبخ للزوج وأهله الظهر
تفكر انهم مثل أهلها
وانه تقديرها بيكبر وبتصيير نفس سليمه في عين ابوها
الأيام تمر وسليمه يكبر بطنها
وام الزوج اللي كما حل الشعر في عز الظهر تنطبخ
وتتنازع وتصرخ: وينك انتي يا سليمه ما خميتي اليوم
وما مسويه غدانا، وسليمه ما قادره فقيره
من وحام ومن تعب ومن غسيل ومن ظهرها اللي بينكسر
وعمتها سكين كل ما ارتاحت سليمه جاها منها سهم
تشتم وتتنازع وتهز الكتف
وسليمه صابره وتقول هانت هذي زي امي الحنون
بس كل ما جاها يوم على راسها اركبت
وصارت تضحك عليها جاراتها في الجلسة العصر
وهيه ساكته تقول زوجي واهل زوجي وما ابي أكدر خواطر
بس فقيره ضاق بيها كل شيء ممكن تحبه
حتى ذاك الدب أبو كرش البعل
صار اسوء من امه
صار بس يطلب من سليمه اكل وغسيل وكوي
صارت بعينه شغاله وتحمل في بطنه ولدها
صارت تحلم بيوم يجمعها بأبوها والاخوان العصر
تبي تشري،، تبي تلبس،، تبي تدلع شوي
صارت الحسرة تتابعها اذا جاء للسوق الطاري
واذا قالت لزوجها ابي السوق العصر
يعصب عليها ويزعل ويتنازع ويقول: انتي تراك كسرة ظهر
مرت الأيام تركض وسليمة بالرابع تحمل في بطنها
والحال من اردا لأردا
ولد امه تابع شور امه ومعذبها عذاب
وسليمه مالها غير الحلم وذكرى من خيالات الصغر
بس ساكته، وتكذب على ابوها واخوها وحتى أمها
إذا اسئلوها وتقول: انا عايشه احلى أيام العمر.
بس وجها شاب وخدودها سمر
والا ايدها صارت مثل جلد السمك
حتى علبة الفازلين تخاف منها
بس صبرت وبتصبر
وهذا حال بعض البنات
من دلال الاب الى قهر العمر

1) هل تعتقد ان صبر سليمة مبرر؟
2) ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟

[اموووره]

الله يعين بجد
بنقول هذك ام زوجها ولازم تتحمل عشان خاطر عيون زوجها
بس دام الزوج اردى من الام هيش ابابهم
ترد بيت اهلها وتعلمهم بكل شي
هي صبرت عليهم وايد على امل انهم يتعدلوا بس الظاهر ماكو فايده
فأحسن تلحق على روحها عن يصيبها شي منهم

طرح جميل اخوي
يعطيك ألف عاافيه

[عيون البشر]

الله يعين بجد
بنقول هذك ام زوجها ولازم تتحمل عشان خاطر عيون زوجها
بس دام الزوج اردى من الام هيش ابابهم
ترد بيت اهلها وتعلمهم بكل شي
هي صبرت عليهم وايد على امل انهم يتعدلوا بس الظاهر ماكو فايده
فأحسن تلحق على روحها عن يصيبها شي منهم

طرح جميل اخوي
يعطيك ألف عاافيه

شرفني مرووورك استاذتي

[يحيائي10]

وهذا حال بعض البنات
من دلال الاب الى قهر العمر




جميل هالتعبير واحييك على هذا المشهد الذي هو فعلا يحاكي بعض من زوجات الرجال الذين لا يقدرون معنى الزوجيه او معنى الانسانيه

فكيف بزوجه صاحبة الاحساس والقلب المرهف والجسد النحيل والعاطفه الجياشه ان تتحمل ما تتحمله سليمه التي فعلا تحترم سرية بيت الزوجيه وحيث لا اخبار سيئة تنقلها سواء لجلسة المعصرات او بيت الابوة الحانيه ...



ارفع ا لقبعه لزوجات هكذا هن حالهن في بيت يحلمن ان يكن فيه اميرات ولكن للاسف ينصدم بانهن يكسن في بيوت التعاسه لتعاسة اخلاق ازواجهن




ترليووووون شكر ايها المبدع

[عيون البشر]

وهذا حال بعض البنات
من دلال الاب الى قهر العمر




جميل هالتعبير واحييك على هذا المشهد الذي هو فعلا يحاكي بعض من زوجات الرجال الذين لا يقدرون معنى الزوجيه او معنى الانسانيه

فكيف بزوجه صاحبة الاحساس والقلب المرهف والجسد النحيل والعاطفه الجياشه ان تتحمل ما تتحمله سليمه التي فعلا تحترم سرية بيت الزوجيه وحيث لا اخبار سيئة تنقلها سواء لجلسة المعصرات او بيت الابوة الحانيه ...



ارفع ا لقبعه لزوجات هكذا هن حالهن في بيت يحلمن ان يكن فيه اميرات ولكن للاسف ينصدم بانهن يكسن في بيوت التعاسه لتعاسة اخلاق ازواجهن




ترليووووون شكر ايها المبدع

انا من يتشرف بك ابو محمد
وربي يجعل ايامك كلها سعادة وهناء

[نسر البوادي]

طرح رائع يعطيك الف عافيه ولي عوده باذن الله

[أميرة الروح]

أكره الرجال إلي ماعندهم شخصية ومايحسوا بتعب ومعاناة الزوجات لهم
البعض ولو تسوي ماتسوي زوجته مايقدرها ولا يشكرها ابد
الله يعين من هذول الناسات
ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟
الراحة النفسية للبنت هي ليست بضاعة للبيع وانما إنسانة تزوجت ليكون لها سند وعون في كل شي
يجب ان يختاروا الزوج المناسب للبنت فلا الجمال ولا الفلوس تجيب الراحة للبنت وانما الاخلاق والاحترام هم الاساس للقبول الزوج

كل الشكر لك ع الطرح
دائما مبدع ف طرحك للمواضيع
بورك مجهودك

[ام رورو]

طرح مميز وراقي
والله الحين تحصل قليل كذا اشخاص وزوجات يعانن من العمه والزوج
بس بعضهن العكس الحريم ضاحكات ع الزوج
تشكــــرات

[عيون البشر]

أكره الرجال إلي ماعندهم شخصية ومايحسوا بتعب ومعاناة الزوجات لهم
البعض ولو تسوي ماتسوي زوجته مايقدرها ولا يشكرها ابد
الله يعين من هذول الناسات
ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟
الراحة النفسية للبنت هي ليست بضاعة للبيع وانما إنسانة تزوجت ليكون لها سند وعون في كل شي
يجب ان يختاروا الزوج المناسب للبنت فلا الجمال ولا الفلوس تجيب الراحة للبنت وانما الاخلاق والاحترام هم الاساس للقبول الزوج

كل الشكر لك ع الطرح
دائما مبدع ف طرحك للمواضيع
بورك مجهودك

شرفني مرورك سيدتي

بالفعل يجب قبل ان يفكر الاهل بالكماليات يفكرو لبنتهم بعد زواجها كيف بيكون حالها
المشكله انه بعض النساء تستحي تقول انه متعذبه عشان ما يقال انه فلانه معها مشاكل.

[عيون البشر]

طرح مميز وراقي
والله الحين تحصل قليل كذا اشخاص وزوجات يعانن من العمه والزوج
بس بعضهن العكس الحريم ضاحكات ع الزوج
تشكــــرات

تشرفنا بمرورك ام رورو
بالفعل كلا النوعين موجود

بس نتمنى الكل يرتاح في حياته