خذتني الحلوة
ايها المارين هنا لا تعجبوا من اطروحتي فقط ارتشفوا عساها تنال هذه القوافي البسيطه وتلامس ذائقتكم الراقيه ومشاعركم المرهفه طبتم بنعمة الاحساس ورقي المشاعر البيضاء..
خيالي سيح يالله طير، فتش واعزف الالحان
من اجملها من اعذبها، قوافي وبوح كلماتك
حبيبي صرت لي العرق، صرت النبض والشريان
انام اصحى، اموت اعيش، على صوتك ونبضاتك
تعوم بداخل احساسي، بوسط الروح والوجدان
خيالك يسرق انفاسي، ضحوكك، عطر همساتك
تعالي واسكني فيني بلا موعد ولا استأذان
تعالي والبسيني عمر ، تعالي و ارسمي ذاتك
بنادي الجرح عاذرتك، بصيح الفرح وقتك حان
لفى من هو يسلي الروح، يا قلبي عيش بسماتك
عرفتك بحر ما ينضب، عشقتك صادق الانسان
شربت العذب من فيّك ، وهذي دوم عاداتك
انا للحين متعجب، وانشدني يا كيفه لآن
خفوقي وكل احساسي، يسيح بعطر همساتك
خذيتي كل ما فيني، ب رفق وطيبه مع احسان
رميتي الحب ف دروبي، ودربي صار خطواتك
ادور وينها انتي، يا درة عمري والاوطان
مع انك في حنايا الروح، ب لحظاتك وساعاتك
خيالي سيح يالله طير فتش واعزف الالحان
من اجملها من اعذبها قوافي وبوح كلماتك
خذتني والله هالحلوه، وصارت بسمتي عنوان
وحار الكل في امري، ولا يدروا ب حكاياتك
حبيبي يا بعد عمري، يا روح المغرم الولهان
فضاك الصافي حيرني، عيونك حلو همساتك
عسى الله يجّمل ايامي، وعسى هالعمر بي يزتان
واشوفك جوهرة عمري، واعوض كل ما فاتك
حلم الغد
اعذروني لعدم المرور المسبق على روائعكم والرد على قصيدتي السابقه ففي القلب جرحا عساه مع الوقت يلتئم وينسينا مر الايام السابقه التي مرت بنا في حنايا سبلتنا المميزه.. قضينا اوقات جميله هنا بينكم اخوتي واحبتي الكرام..
رد مع اقتباس
