يامن ملكت القلب وشفيك وشفيك
على التغلي ليه مالت غصونك
تخطي واعذرك واتحمل واداريك
دنيا السعه ضاقت بقسوة طعونك
هذا جزا قلبٍ له سنين شاريك
قلبٍ يموت ولايفكر يخونك
ياكثر ماكنت أشتكي منك وأشكيك
حتى العتب مل العتب من سكونك
دايم تزعلني ودايم اراضيك
تسهر عيوني وأنت ترقد عيونك
ماكنت أقصر فيك من كثر ما أغليك
اهملت كوني لجل تفرح بكونك
مثلي صعب تلقى حبيبٍ مصافيك
ولا أنته بلاقي مثل قلبي يصونك
لاتنصدم لوقلت أبرحل وأخليك
جرح الكرامه حال دوني ودونك
وأنت الله الله بغيبتي ما أوصيك
على الثقل خله مسارك ولونك
ولا أنا ماني على الوصل راجيك
وأشره علي إن جيتك أطلبك عونك
خل التغلي ينفعك في تغليك
لأني نويت أعيش عمري بدونك
رد مع اقتباس
