مــاكــــل رجــال تسميـــه رجـــــال
ولاكـــــل طيــر يفرد الريش جرناس
ولاكل من شال الثقيــلات حمـــــال
ولا المــراجل بالــــــرذيلات تنقـــاس
المرجله مقيــاس لاقـــوال وافعــال
وثقلها مثــل الجواهــر والالمـــــاس
ياماالزمن عرفني اشكـال واشكــال
وياما المــواقف عرفتني بالاجنـــاس
بعض الرجال اشباه في كل الاحوال
وبعضهم ينحط دايــم على الــــراس
ماهي منـاظـــر تحت غتره ولاشـال
المرجله حشمــه ومنطق ونومـاس
لاتحسب ان المـــــرجله قيل او قــــال
المرجله يبنى عمـــدها على ســــاس
والأصل والمعيار في الجـــد والخـــــال
واسلافنـــا قالـوا لنا العــرق دســاس
والهرج ياما فيه قالـــوا من امثـــــال
تقــدر تميـــــز فيـــه ناس على نـــاس
رد مع اقتباس
المشاركة الأصلية كتبت بواسطة اطياف السراب
