قبل من ندخل في تفاصيلنا بعطيكم نبذه بسيطه عن حياة بعض ابطال روايتنا...
عمر ضابط برتبة ملازم اول،عنده اخت وحيدة متزوجه وحامل بالشهر الاخير،
في حادث سير توفي والده ووالدته –بنذكر الحادث لاحقا-
فيصل موظف حكومي واخوه مازن وعندهم 3 اخوات من بينهن اسماء خطيبة عمر معلمة لغه عربية
توفى والدهم وامهم لازلت على قيد الحياة..
محمد مهندس اتصالات عنده اخوان 2 ماتوا واحد بسبب مرض والثاني في حادث وعنده اخوات 3 وامه متوفيه...
ابراهيم مهندس نفط وغاز وعنده اخوات 9 وهو الابن الوحيد من بينهن ساره بتصاحبنا في بعض الاجزاء
اتمنى لكم متابعه شيقة ورائعه ...
الجزء الثاني..
مازن:تعال بسرعه انت وعمر انا في المستشفى الفلاني
اسماء استوى لها حادث
عمرخبره فيصل وما شاف قدامه ويركض السيارة
والربع خلفه...
ابراهيم اخذ سيارة عمر وركب معه فيصل وهو وصلهم المستشفى محمد لحقهم بسيارته
وصلوا واول شخص في استقبالهم هو مازن وحالته كانت صعبه جدا بس يتمالك نفسه عن تتساقط دمووعه ...
عمر ما قدر يتكلم ،،،
فيصل :هاه مازن كيف اسماء عساها مو متأثره كثير..
مازن بلحظة صمت والوجه شاحب...دعواتكم لها الحين بالعمليات وننتظر الاطباء يعطونى خبر عنها..
عمر:مازن قول الصدق كيف حالتها ،،انت شفها..تتكلم
مازن :شفتها وياليت ما شفتها بهذك الحاله ،،،ربي يعين ويلطف فيها
فيصل: مازن الله يخليك طمنى قول شيء لا تخلينى كذا
مازن بصوت عالي والدموع تتساقط شو بقولك فيصل شوو
كسر ونزيف في الدماغ وكسر بالانف والحوض والرجل واليد اليمنى شو بعد اقوول ...ربك يعين
عمر:لا (ويبكي بشده)..خلوني ادخل اشوفها خلوني
يمسكه محمد ما يستوي تدخل الحين بغرفه العمليات اصبر وادعو لها ربك كريم ولطيف بعباده
فجأة يبتعد عنهم ويمشي ويشوف زميله الشرطي وسأله
وين الشخص الي استوى له الحادث قبل شوي مع البنت الي بالعناية
ما قصر الشرطي خبره انه بالغرفه الفلانية هههههه عمر قال للشرطي انه يريد يشووفه ويطمن عليه ..
دخل وكان عنده الممرضه قالها انا من الشرطه اريد استجوبه شويه اذا حالته تسمح
قالت له :تسمح بس لا تضغط عليه واجد حاليا ...
عمر:تمام ولا يهمك
كان فيه بعض الرضوض في رجله وكسر برقبته والحزام مأثر على صدره..
في أنفه مساعد التنفس وفي ايده اليمين سقاية ..
خرجت الممرضه وغلقت الباب خلفها
وعمر ع طول يهجم عليه ليه سويت كذا دمرت حياة اسماء وحياتي
تعرف انها يمكن تمووت تمووت وانت بتمووت قبلها ليش ما تشوف ليش
تلعب بالهاتف وانت تسووق ليش ؟؟ليش؟؟
دمرتها بعدم المبالاه واللعب بالهاتف...لازم تمووت لازم
وبدأ يركله كأن عمر ابدا مافيه وعيه ...
والمريض ما قادر يتحرك ويتألم ويصرخ بس بسبب كمامة التنفس ما سنسمع صوته
فجأة انخفض ضغطه ونبضات قلبه...وجهاز القلب سوى صوت
وعند الاستقبال الجهاز يصرخ بشده والمبه حمراء في السرير رقم 6 وتلمع
الممرضات كانن هناك يسوولفن وع طول ركضن والمفاجأة عمر طالع في السرير
ويمسكه بقووة ويقول :لازم تموت قبلها وصرخن بشده والشرطه كانوا هناك وجيوامسرعين ومسكوا عمر وهو يبكي
والاصدقاء يبحثوا عنه وحصلوه في يدين الشرطه
فجأة سقط في الارض مغمى عليه وطلع دم من انفه ...
محمد:خير شو الي صار
الشرطي:ما ندري شو صار له يضرب المريض
نقلوه في غرفه والاطباء قاموا بالازم ...
خرج الدكتور الاول من غرفه العمليات وفي وجهه علامة حزن وقالهم ادعو لها
وماشيء كلمة زيادة صرخت امها بقوة ع بالها ماتت
خرج الدكتور الثاني وكان عماني ومشى جنب مازن وقاله: سوينى الي علينا والباقي على الله ...دعوواتكم لها
مازن:دكتور كيف الحين حالتها ،طمني
الدكتور:اخذه على جنب في حين فيصل ما قدر يتحرك من مكانه
ما اخفي عليك حالتها واجد حرجه وصعبه النزيف الى الحين ما قدرنا نسيطر عليه بالكامل
لان حالتها استاءت وبنشوفها الى الصباح وبنحاول نسيطر عليه...اكثر من كذا ما اقدر اقولك شيء
فجأة يتحرك فيصل من مكانه ...ويقوله كيف وضع اختي الحين
الدكتور:الحين ما نقدر نحدد ننتظر الى الصباح وبنشوف وضعها بس حالتها كثير حرجه
فيصل :سويوا شيء ما تجلسوا تتفرجوا كذا ..سوينا الي علينا حاليا والباقي على الله هذا الي قدرنا نسويه
بس هذا الي فالحين فيه تسويوا وما تقدروا تكملوا مازن خلى نسفرها برا هذلاء ما منهم فايدة
مازن: فيصل اسكت الحين مو وقت هالكلام ادعوو لاختك والرجال
ماقال شيء خطأ سويوا الي عليهم والباقي على ربك
الدكتور:لا عليك اخوي مقدر الوضع وهذا مو اول مرة نسمع هالكلام تعودنا ...ربي يشفيها بعد اذنك
-احيانا في لحظات تمر بنا ننسى كل شيء ونتكلم بكلام بدون تفكير ولا نعرف تأثيره
على الاخرين ..كلام بدون قياس في لحظة ضعف وقلق_
عمر وصل عندهم ويسألهم شيء جديد وخلصت العمليه ولا بعدها
فيصل:خلصت بس ماشيء جديد وكلامهم ابد ما شيء يطمن
عمر: اريد اشوفها ليش ما يتركوني ادخل معها بس شوي لو من بعيد
مازن:ما يصلح لان حالتها صعبه اصبر الى باكر وان شاء الله خير ...
بحاول اخرج الوالده من هناا اذا رضت..
عمر:انا بنتظر هنا يمكن يسمحوا لي اشوفها
ابراهيم.:شربوا هالعصير ..مازن: مشكور الصاحب جاء في وقته حلقي جاف كليا
عمر: انا لا تقربوا شيء صوبي ما اريد شيء
فيصل:عمر ارتاح انت واجد تعبان روح البيت
عمر:لا مستحيل اتحرك من هنا قبل ما اشوفها واطمن عليها
مازن:ادعووا لهاا والي كاتبه ربكم بيصير ومهما كان راضين فيه والحمد لله...
ساعه تقارب 2 فجر...
والكل عند غرفه العناية المشددة ...
اسماء ممده في السرير كأنها جثة هامده الاجهزة في كل جسمها
فقط يسمع صوت جهاز التنفس الاصطناعي...عيونها فيهن قطن أبيض،انفها وفمها ..
في غرفه العناية المشددة معها 3 أشخاص وحالتهم مثلها سيئة ..هناك فقط يسمع
صوت جهاز القلب وريحه ادوية التعقيم ...كأنه قبر لا حياه هناك
فجأة يشوفوا الاطباء يركضوا الى تلك الغرفه
الكل التزم الصمت وما حد يتكلم...فقط العيون هناك والالسن جفت
عمر:يارب رحمتك يارب...
في رأيكم شو الي بيصير في الجزء المقبل من احداث
انتظر ارائكم
ترقبوا الجزء الثاني يوم الاحد بإذن الله