اريد الطلاق

[للحب عاشقان فقط]

وش بيفيدك الطلاق !! دامكم صابرين
شوفي السلبيات من بعد طلاقك دامه ما مقصر معك ولا يجيب سيرة الطلاق
خلي العاطفية ع صوب و فكري بعقلك

[عبير الياسمين]

السلام عليكم ورحمة اللّه وبركاته

انا فعلا مستغربة منك 6سنوات وفقدتي الامل؟؟؟

اختي خذيها مني مجربة

17 سنة بدون أطفال رغم كل ما واجهني من مشاكل لكني رفضت الانفصال ورفضت الزواج الثاني نهائيا.. وتحملنا كلام كثير واللي ساعدني اصبر زوجي الفاهم اللي كان يرفع من معنوياتي رغم الكلام القاسي من عائلته وبعض المعارف ..لان السبب الرئيسي كان مني.. في هالحاله الاكيد ان الزوجة راح تفكر بكثير من الحلول لمشكلتها يمكن تضحكي لما تعرفي اني فكرت بنفس نفكيرك الطلاق والزواج الثاني لكن غيرتي منعتني وايضا وصل تفكيري باني كلمت زوجي واخذت راية بتبني طفل أو طفله واللي منعنا من هذا الشي هو المجتمع ونظرته لهذا الطفل فقط ..وايضا كلام زوجي لي (( الطفل اذا ما كان منك ما اريده ))
على مدى هالسنوات تحملت علاجات مختلفة من حجامة جافة ورطبة و المساح الخاص بالحمل والكثير من العلاجات الطبية لحد ما قالتها لي دكتورة بوجهي اذا تريدي عيال روحي عالجي بمركز خاص باطفال الانابيب...
بس مشكلتي كان المبلغ ما متوفر ...وبعد انتظار طويل ربك ييسر لي العلاج باطفال الانابيب فشلت بالمرة الاولى ولكني ما يأست وحاولت بعد ما تجمع المبلغ للمرة الثانية وربك بعد هذا الصبر الطويل كأفئني وزوجي ببنوته جميلة ملت حياتنا سعادة وفرح الحين صارت بعمر 6 اشهر ^^ ..
الحين لما اتذكر كيف كنت افكر اضحك على نفسي خخ
ياأختي اوصيك بالصبر... الصبر .. الصبر ..ولا تفقدي الامل برب العالمين لانه كريم بعطاؤه واسعة رحمته بعبده فلا تقنطي ولا تجزعي ولا تيأسي من رحمة ربك الاكيد انه بيعوضك على صبرك بفرحة ما توقعتيها.. فقط انتظري وحاولي العلاج باطفال الانابيب .. ونصيحة لك
لا تستغني عن الاستغفار وسورة البقرة يوميا.. وكرري يأت بها الله إن الله لطيف خبير
وربي يفرج همك وييسر ما تعسر بوجهك ويرزقك بكل ما تتمني

لفتني موضوعك وحبيت اعطيك رأي وحدة عانت نفس معاناتك واكثر
ودي

[نسر البوادي]

السلام عليكم
وهل انتي متأكدة أن إنتي سبب عدم الإنجاب ؟؟
زين يتزوج الثانية وعيشي معه دام إنه ما حسسك فأكيد هو يعزك ويقدرك .

اظم صوتي الى صوت اختي حكايه حلم

[أم فارس وخواته]

" الله يرزقك كل خير حبيبتي "

[جـمـيـل الـروح]

شكلك مستعجله على الطلاق اكثر من الحل في المشكله نفسها

المهم يصير تطلبي خلع من المحكمه وتدفعي نص المهر

[۩۞الفتى الذهبي۞۩]

كل واحد بظروفه

زوجك يعني مفترض يكون بينكم صراحه اكبر

يبي اطفال شي علاجات
اجتهدوا ف موضوع العلاجات..تجيب نتيجه

اطلق زوجتي عشان اطفال...مستحيل والف مستحيل...

[مرتاح ويتصنع قلبي الراحة]

أبغض الحلال عند الله الطلاق

بما أنه قده عال عندك أخطبي له زوجة أخرى

وابق على ذمته لعل الله يحدث بعد ذلك أمرا

[ام فجر81]

اختي انا تاخرت بالحمل وكنت أقوله طلقني واتزوج وحده ثانية لاني ماقدر أعيش مع ضرة والحمدلله بعد سنوات رزقني ربي في بنوتة وبعدها في بنوته ثانية ولله الحمد اختي دام زوجك راضي انه يصبر لاتطلبي طلاق وربي بيرزقك عليك بالصبر والاستغفار وربي بيفتحها عليكم

[مفتر رآسيَ !]

كفو عليه ما عرس عليج
واخر شي انتي تجازينه وتخلينه يطلقج
ترى لو مايباج بيطلقج من زمان .

والعيال مب كل شي ، صبري ان الله مع الصابرين !

هذا مب حل ابداً لانه انتي حرمه
والحرمه صعبه امورها ف هالمجتمع
دام هو مب مقصر عليج ف شي وسند لج ومعوضنج عن الدنيا ومافيها
لا تخسرينه عشان العيال .

فالنهايه الحياه حياتج والقرار قرارج

وشكراً

[الصـــــاعـــــق]

السلام عليكم ورحمة الله وبركاتة ...
حبيت استفسر واتمنى احصل احد يفيدني اكثر

انا متزوجة م 6 سنوات والله ما رزقني بعيال

واريد الطلاق عشان زوجي عشان الله يرزقه بعيال م وحده ثانيه للعلم هو ما يذكر لي ولا يحسسني اني ما اجيب عيال بس انا حاسه بذنب اني ما جبت له وهذا بيد رب العالمين استفساري اذا انا طلبت الطلاق وش علي اروح وين وايش مطلوب ف حال طلبت طلاق ادفع له مثلا مبلغ او شي

بصراحة أنتي إنسانة جداً مخلصة لزوجك، ولكني يا اختي خطأ تتصرفي بهذه الطريقة وتفقدي عشرة العمر بينكم بسبب الإنجاب وهذا رزق من الله تعالى و6سنوات قليل جدا شي ناس جلست 20سنة لين جاها الرزق من الله وصبرت...
ممكن تقترحين عليه الزواج بأخرى ولكن بدون طلاق نصيحة