شكرا لمن فقد وجودي
اسعدك / ي الرحمن اينما كنت
شكرا لمن فقد وجودي
اسعدك / ي الرحمن اينما كنت
"صباح الخيّر :
لـ الناس المتفائلة اللي تُدرك أن الصباح فرصه ثانيه لها بالحياة و تبتسم.💭💜"
من وصلت البيت حدي ميته تعب جلست شوي ساعتين اقاوم اتعب بدونيش اي فايده يختي قلت احسن انخمد ومن ساعه قمت وراسي مصدع حدي😐 مفروض قايمه شبعانه نوم ومتنشطه بس اشوف اللعكس معليه اخر مره اسوي هالحركه لو قايمه ومتعشيه معهم احسن ضيعت شيئين 😶 النومه راحت عني ويوعانه من بيقوم يطلع معي الحين فيس ابوو دمعه قلت بجلس اذاكر فيني تأنيب ضمير، مره مامرتاحه حتى بالنومه ماعرفني قلت يمكن افكر بالاختبارات 😂 وقمت وفتحت الهانداوات وجلست افكر نص ساعه ابدي عند اي ماده industrial ولا material ولا analytical واخر شي صورتهن بس مافيني بارض اذاكر ماعرفني مستوي نفسيه مره ومستوية مافيني بارض بعد لا اكتب هني ولا اتكلم
عزفت على اوتار الحياة :
كنت انا الميسترو انذاك مهدت بقطعة من احرفي لحياة جديدة قد لا تبدو كسابقتها بل قد تكون جميلة ولعينة في ٱن واحد وما جمال المعزوفة إن كانت أحرفها قذرة وخبيثة ، وما سحر الكلمات حين تغازل السماء بعطرها الساحر كانت تتلألأ كالنجوم.. اخذت مكانها في وضح النهار ، رميت الصِنارة بين تلك النجوم لعلي اجد ما يسد جوعي في هذا المساءْ ، قبل غروب الشمس اردت النزول الى قبوي : إعتدت الجلوس فيه وحيدا لا يجالسني احدْ لم يخطر ببالي ان اتغاضى ولا انزل اليه مجددا ، قامت فكرة في عقلي اجتاحت كل افكاري السابقة وصارعت من اجل فوزها في تلك الحرب ، نسيت انني كنت ذاهب الى قبوي كالمعتاد ونسيت فيما كنت افكر ايظا هه : انا مرتبط مع النسيان في هذه الأيام...
ويسود الظلام مجددا ويصبح الجو هادئ جميلا رائع ، يصلح لعزف تلك النغمة الموسيقية من الأحرف اللعينة ...
لأنك شديد التحمل ظنو أنك لا تشعر ..
ثم تستيقظ في الثالثة ليلا ، تسمع أصواتا تنبثق من داخلك و كأن مجزرة حدثت في وسط دماغك .. فلم تقاومها الشياطين !
عندما أثرثر هنا .. فأنا أثرثر لنفسي لإنني أكتب ما يحلو لي لإنها حياة سنعيشها مرة واحدة فقط ... إبتسم فل الغد أجمل بصنعك انت .. لا تنتظر الطبيعة لفعل ذلك
اوف ياه من اتذكر السويق في خط الباطنه يضربني كيلوين غم ياخي لو شلوها من طريقنا ويخلوها ذاك الصوب في خط الداخليه كان احسن😑 ماعاجبنكم هاه بكيفي ياخي حتى التمني حاسديني 😑 يعني الي يسمعكم بشلوهها بشيول السويق وبيخلوها هناك كان زين على الاقل بيستوي ساعتين لين نوصل والله والغم ياخي كنت مرتاحه اروح بسياره واطلع بالليل على راحتي والغم الحين ماشي مكر ودلع بباص😣😣 والله هلاك 5 و6 ساعات عسب مسقطووووه😑😑😑😐😐😑 ياه لو شي عصا سحريه من بيتنا لمسقط كان زين شكلي بقترح على ابوي اروح من مطار صحار لمطار مسقط اسبوعيا بدل باص بس اتوقع ردت الفعل
لوو كان ابوي اسباني ولا بريطاني بيقول حبيبتي ماطلبتي شي بسويلج هلوكبتر حقج احسن اهم شي راحتج وبقول
اعتني بنفسك دائما
اممم لكن ابوي عماني بقولي كف على عينج رايحه تدرسي تحملي اذا تبي الشهاده ماتبيها عرسي لا يازمن
و3 كيلو غم ماعرف حد بالباص وكلهم يتعارفوا بجلس وحيده كالقمر
بس ماشي قمر احين يعني وحيده كالشمس 😂😂😂😂
احبني اد الدنيا (حرام يعني الواحد يحب نفسه بعد شسويلكم يوم انتو نفسيات والله)
مساء الخير بتوقيتي
وصباح الخير لنائمين منذ ساعات
شكرا لصاحبه الرساله الجميله " أموره (ورجعتي للإدارة وصاير معرفج كاشخ باللون ههه" يمكن ماتوقعت في احد يتذكرني ( قلت يمكن ضربهم زهايمر ) بس اشوه في احد صاحي للحين
المهم
وايد أشياء صارت وعفست الحياه فوق وتحت وفي أشياء مادري وش وضعها بس الحمدلله على كل حال
خلصت اختبارات وطلعن الدرجات يمكن مامثل ماكنت مخططه بس الحمدلله يمكن خيره
مادري باخر فتره اختبارات يجيني إحساس وماقدر اركز مادري شو هذا وكيف اوصفه ومن غير الحرقه والي تمت أسابيع لحد مارجعت البيت ورحت المستشفى حاولت اضغط على نفسي واكون اقوى
ومسكت روحي وايد وجلست اذاكر وارجعه يمكن كل ماده 6 مرات مذاكرتلها للفاينل تتخيلوا مواد العلوم وكيف دسمات يادوب البنات مره او مرتين بس من رحت الاختبار مادري شقول بس كانه حد مسح كل شي بمخي يعني كانه فرمته جلست أقول شهالرسمه وين هالكلام هالتعريف من أي شبتر حاولت اقري المعوذات والاذكار ماعرفت شسوي توهقت وايد حليت الا كذي وطلعت ( على قولتهم يمكن شديت حيلي وايد)
عقب اليوم الي بعده الاختبار الثاني عادي كنت احل واصله نص الاختبار والا فجأه ذاك الألم الفضيع وحرقان بكل جسمي ماقدرت اكمله وهو ساعتين يمكن حتى ساعه ماكملتها مع انه كنت اقدر احل اكثر بس ماعرف والله
محتاجه افضفض قلت بدش هني شويه
وشي محزن جدا جدا شغالتنا سافره في الوقت الغلط فيس يصيح
الحمدلله على كل حال
المهم والاهم من كل شي أي شخص يطوف هني يدعي لابوي بالشفاء العاجل والله يفرحنا بشوفته مثل قبل واحسن
أذهب البأس ربّ النّاس، واشفِ وأنت الشّافي، لا شفاء إلّا شفاؤك، شفاءً لا يغادر سقماً. أذهب البأس ربّ النّاس، بيدك الشّفاء، ولا كاشف له إلّا أنت يا ربّ العالمين، آمين. اللهمّ إنّي أسألك من عظيم لطفك، وكرمك، وسترك الجميل، أن تشفي ابي وتمدّه بالصّحة والعافية. اللهمّ لا ملجأ ولا منجا منك إلّا إليك، إنّك على كلّ شيءٍ قدير
ي أبوي ليت الوجع بعروق قلبي ولا فيك
ضوابط المشاركة
رد مع اقتباس