دبيب الشوق

[رايق البال]

هلا بالجميع ..
مصافحه سريعه وعذرا للغياب ..
كل عام وانتوا بألف خير بمناسبة قدوم عيد الاضحى المبارك الذي تفصلنا عنه ايام معدوده فقط ..



( ما اظن يسلى بهالغيبه وينساني
يمكّنه اشتاق .. لكن استحى يرجع )
اما انا لاضواني الليل يلقاني
لازلت انا فيه ذاك العاشق المولع
لازلت انا فيه ذاك المغرم العاني
ومازال حبه بقلبي يسطع ويسطع
واشتاق له موت ذاك المبعد الجاني
اللي حروفه بوسط الجوف تتربّع
وياما لدربه عظيم الشوق وداني
وياما وياما وياما باللقا اطمع
وياما اناديه في ليلي ويقراني
وياما وياما دبيب الشوق بي يسجع
ورغم التياعي وآهاتي واشجاني
ادري وربي مصيره يعطف ويرجع
اللي وجوده يضخّ بدم شرياني
هو بلسم الروح والخفاق والمربع
لبيه ياللي طيوفه دوم تنصاني
لاعسعس الليل والدنيا بدت تهجع
للموت احبه وادري فيه يهواني
لكن الاقدار للاحباب كم تمنع

طابت مساءاتكم ...

اخوكم / رايق البال

[صدى صوت]

اهلا بعودتك اخي الاستاذ رايق ..
نص جميل كله وله واشواق ..
نص يستاهل التقييم

[ربشة انثى]

ذوق
راق لي ما كتبته أناملك

للأمام دائما

[شموس الحق]

يبدو ان الرايق جاب الغنايم بعد غيبه وما اظن انه يسلى بهالغيبه
وامتع ذائقتنا بهذا الابداع الجميل لا زلت انا مولع فيه
تحياتنا وتقديرنا

[الشيخه الفلانيه]

لبيه ياللي طيوفه دوم تنصاني*
لاعسعس الليل والدنيا بدت تهجع
للموت احبه وادري فيه تهواني
لكن الاقدار للاحباب كم تمنع



الله الله الله
أهلا بعودتكء ؛ قصيدة جدآ جميله أخي رايق
يعطيك الله العافيه .. بنتظار جديدككء '

[أميرة الروح]

ياهلا بأستاذنا وشاعرنا
عودا حميدا
وانت بخير وصحه وسلامه

للموت احبه وادري فيه تهواني
لكن الاقدار للاحباب كم تمنع

نص جدا جميل
راق لي ماخط قلمك
بارك الله فيك

[الشاعر محمد الشامسي]

الله الله يارايق ‘‘
نص من اروع النصوص التي مرت على

صح قلبك ونبضك ياصاحبي‘‘

[حسنة ₩]

يا سلام على الابداع .. نص وايد حلو

[ابوقيس99]

تغيب وتجيب العجيب أما مدح أو غزل للحبيب
ريسنا رايق البال شكرا على هذه القصيدة الرايعه بارك الله فيك استاذي

[Raba]

الله الله نص رايق مثل رايق رغم حرملة الأشواق التي تدب فيه
احسنت العزف وبارك الله فيك