يا من تعيب الناس دور على العيب
العيب فيك ان جيت للناس عايب
استر سترك الله دنيا بها تصيب
عن لا عثرت تهيم ف الارض خايب
هرج البشر تطول عليه الاكاذيب
لا من اخذت عطيت نفسك سبايب
طلقة حروف تضد بعض الاصاحيب
اجهرتها تبغي تجر الخرايب
عايش كما صحوة جياع الثعاليب
اللي نوت بالخبث جمع القرايب
لا بك دروب تنال منها مطاليب
تنجيك من عسر اشتداد المصايب
وش بك على ناسن تحلت على الطيب
في صلبها صامد عليها وذايب
من دان غيره دان نفسه لواهيب
في عكس تياره يصيد الغرايب
ارجع لربك قبل ما تغرق الشيب
واحفظ لسانك كون لله تايب
ادي فروضك لازمنها بترتيب
واحذر من مصاحب على ناس عايب
ناصر الراشدي
رد مع اقتباس
'
