اسعد الله جميع اوقاتكم بكل خير
اخواني واخواتي اعضاء سبلة كتاب الشعر
هو غياب طويل اخذ من عمري ومن بوح اقلامي الكثير
لكنني اعود اليوم وانا على يقين بأن الشعر يسكن روحي قبل دفاتري
مهما حاولت الابتعاد
اعود من جديد
.......................
هذه المجاراه لربما مر عليها اكثر من 6 اعوام لكنها من اكثر الابيات قرباً مني
ربما لأنها جاءت سريعه وعفوية بيني وبين الشاعر مطر البريكي
نداء الحياه ــــــــــ
مطر البريكي ــــــــــ
اترككم مع النص




يا شاعره توك على أول طريق / بس باكر انتي تكبري ياشاعره
بكره اكبر وافهم شعور الغريق .. وادري ان الشعر فطره ظاهره
بس لازم انتي تفهمي الشعر الوثيق / الشعر ذا مو أي شخص خاابره
تدري!! شعور الشوق به نشعل حريق .. و نشعل به قلوب المحبه الثايره
يا غاليه والشوق منهو له يطيق / قبلك حرق ياما قلوب صابره
الصبر ياستاذي بروحي يستفيق .. والشوق شوفه في عيوني ناظره
كلما طفيت الشوق والإحساس ريق / ابلع هواك بروح لجلك زافره
انا طفيت احساس بعيوني عميق .. واطفيت جمره في فؤادي ساعره
شفتي الدواير كيف يعيوني تضيق / الهم مثله ما يودي آخره
الهم ضيقه مالها ابداً طريق .. هي بكره ترحل مثل غيمه عابره
تدرين وش يعني ف هالدنيا الصديق / إنها حياتك في أمانٍ صاايره
ماظن صديقي ان ف الدنيا رفيق .. يقدر يطلع مستقيم بدائره


دمتم بحفظ الرحمن
اختكم : شذى المحضار