حد يعاني نفس مشكلتي؟؟

[عسل بس مالح]

السلام عليكم ورحمة الله وبركاته

ادش في الموضوع على طول ..بصراحه عندي مشكله في الاصدقاء خاطري احصل صديقة بمعنى الكلمه صديقة في كل شي تكون معي صح انا عندي صديقات واجد لكن ماحد فيهم اقدر اقوله كل شي مااحس احد منهم اقدر اامنها ع اشياء خاصه تجيني ايام احتاج لشخص احكيله غير خواتي لانه احيانا المواضيع حساسه وما اريد اهلي يدرو عنها عن تكبر السالفه لكن ما احصل حد احيانا اقول بفتح قلبي لزوجي يمكن هو يداوي جرحي لكنه للاسف الشديد ما احصله معي خاصه في المواضيع اللي تخص اهله لو همه غلطانين دوم يحطني انا الغلطانه ويجرحني بكلامه فلذالك ما احب اقوله شي..صح الشكوى لغير الله مذله والافضل نشكي لربنا بس لكن نعم مرات احسني بنفجر من الهم ويعوني قلبي واحس بحاجة لصديقه قريبه مني كثير ..للعلم معي واجد صديقات بس احسهم بعيد ما فاضين ...

[اموووره]

صباحوووو ...❤

نصيحه لا تعطي كل اسرارك لاي صديقه ولو حسيتي انها قريبه منك وااايد ..
سويناها زمان وندمنا
فلكل قريب قريب ..
احسن تنبطي ويبقى اللي بداخلك محد يعرفه غيرك ..
مجرد رأي وربي يعينك عزيزتي ..

[عسل بس مالح]

صباحوووو ...❤

نصيحه لا تعطي كل اسرارك لاي صديقه ولو حسيتي انها قريبه منك وااايد ..
سويناها زمان وندمنا
فلكل قريب قريب ..
احسن تنبطي ويبقى اللي بداخلك محد يعرفه غيرك ..
مجرد رأي وربي يعينك عزيزتي ..

مشكوره الغلا بس مرات تحسي نفسك ما قادرة تحملي تبي شخص يواسيك ويوقف جنبك

[اموووره]

مشكوره الغلا بس مرات تحسي نفسك ما قادرة تحملي تبي شخص يواسيك ويوقف جنبك

طيب قسمي الاسرار
يعني اللي يضايقك من اهل زوجك علمي خواتك
واللي يضايقك من صوب اهلك علمي صديقه توثقي فيها
واللي يضايقك من خارج علمي خواتك بعد هههه
ماكو الا هالحل ..
الله يعين

[عسل بس مالح]

طيب قسمي الاسرار
يعني اللي يضايقك من اهل زوجك علمي خواتك
واللي يضايقك من صوب اهلك علمي صديقه توثقي فيها
واللي يضايقك من خارج علمي خواتك بعد هههه
ماكو الا هالحل ..
الله يعين

مشكوره اختي ع نصايحك
انا اول كنت اقول لاختي اللي يضايقني من اهل زوجي وزوجي بس لاحظت انها ترسخت براسها فكره عليهم مو طيبه حتى ندمت اني اخبرها صح احيانا مشاكل بينا وزوجي عصبي بشكل واحيانا مايهتم لكن اذا احد من اهلي نظر نظره ماحلوه لزوجي اضايق واحس انا السبب لاني خبرتهم عن غلطات صارت بينا

[seajie]

الدنيا ما ترحم الضعيف .. انا مريت بموقفش وكنت اريد شخص ارتاحله وحكيت فعلا لشخص ارتاح له لكني اكتشفت انه يتكلم من ورا ضهري بعد الصدمه هانت علي مشاكلي واكتشفت ان اللي حولي ما يستحقوا الثقه وصرت كئيب لهذا السبب ..... تأكدي ان ما في شخص مستعد يتحمل همومك ...
واذا كنتي ما تتحملي كتبي مشاكلش ورسليها فجروبات فيسبوك للمشكلات الاجتماعيه وتطمني ما يعرضو اسمش ... هذا لو عندش فيس .. او اي موقع من مواقع التواصل .. الفيسبوك بيساعدش مثل ما ساعدني

[عسل بس مالح]

الدنيا ما ترحم الضعيف .. انا مريت بموقفش وكنت اريد شخص ارتاحله وحكيت فعلا لشخص ارتاح له لكني اكتشفت انه يتكلم من ورا ضهري بعد الصدمه هانت علي مشاكلي واكتشفت ان اللي حولي ما يستحقوا الثقه وصرت كئيب لهذا السبب ..... تأكدي ان ما في شخص مستعد يتحمل همومك ...
واذا كنتي ما تتحملي كتبي مشاكلش ورسليها فجروبات فيسبوك للمشكلات الاجتماعيه وتطمني ما يعرضو اسمش ... هذا لو عندش فيس .. او اي موقع من مواقع التواصل .. الفيسبوك بيساعدش مثل ما ساعدني

سبحان الله ...استغرب من الناس اللي تفشي اسرار بعضهم
نعم انا كانت معي صديقه وكنت مقربتنها بشكل مني واعاملها افضل من خواتي وفيوم من الايام اكتشفتها انه من وراي تخذلني وماقد الثقة اللي عطيتها اياها ونعم انها عاطني اسرارها لكن ما فشيت سرها ولا تكلمتبه لاني اعرف انه حرام والله بيحاسبني عليه لو هي ماقد الثقه انا لازم اكون افضل منها والحمدلله

[وَدْق]

افهم شعورك ، وكَ نصيحة صادقي نفسك ‘
تغنيكِ عن الناس ، واذا احتجتي لمن يفهمك
ويساعدك ، تقربي من اخواتك ، وافتحي لهم
قلبك ، وخاصه ف المواضيع الحساسة ، هم اكثر
من يصونك لانكم من لحم ودم ، واذا صعب عليك
لا تفتحي قلبك لصديقة ولأي شخص كان ، واكثر من
كذا قدسي خصوصياتك وثمنيها، ولا تسلميها بيد أحد
ولا يغرك مسمى الصديق وقت الضيق ^

[عسل بس مالح]

افهم شعورك ، وكَ نصيحة صادقي نفسك ‘
تغنيكِ عن الناس ، واذا احتجتي لمن يفهمك
ويساعدك ، تقربي من اخواتك ، وافتحي لهم
قلبك ، وخاصه ف المواضيع الحساسة ، هم اكثر
من يصونك لانكم من لحم ودم ، واذا صعب عليك
لا تفتحي قلبك لصديقة ولأي شخص كان ، واكثر من
كذا قدسي خصوصياتك وثمنيها، ولا تسلميها بيد أحد
ولا يغرك مسمى الصديق وقت الضيق ^

كلامك صحيح اختي ...بس ما كل شي تقدري تقوليه

[!KATHY]

الصديق وقت الضيق والصديق و الصديق هذا شي بس تو خلاص استوى نادر ممكن نؤمن بالزمالة بس الصداقة مندثرة وبذات عند البنات لانا نغار من بعض لو وحدة بتنقز وبتقول لا أنا عندي صديقات ومعرفويش بس هذا واقع نحن فينا حسد لبعضنا وما نحب نشوف وحدة احسن منا انتطلع فيها عذاريب الدنيا والانانية بعد ما مقصرين فيها واجد صفات سيئة نتصف فيها واحسن شي عاد انه كل وحدة تتصالح مع عمرها وتتقبل هالشي بعدها خلاص ما بتم تخبر فلانة وعلنتانة عن أشياءتها وبتكبت فداخلها وهالشي احسن ترا يوم بتقولي ح ربيعتش ما بتساعدش بشي