معها ذات همس
في ثغرها
قبلة تناديني تعال
وبصدرها ضمة دفا
وليل وجنون
ما للصبر عنده مجال
ويلح في صوت الظما :
- خذني بكل الشوق فيك
خذني أبيك
عيشني فيك
في بعض مشوار وزمن
إن ما لمسنا واقعه
نقضيه في مرسم خيال
______________
تجي بالبال
وأحس إنك قريبه مني بانفاسك
أضمك في حضن شوقي
وأعيش بنبض إحساسك
______________
ياخذ شبه من اللي أحبه وأهواه
نفس الملامح : وجه مع طول مع قد
ونفس الطبع ماخذن من سجاياه
ونفس الأناقة ف ذوق الاثنين ما حد !!
______________
يسعد مسا هالليل لي فيه إنت
مثل القمر وابهى من النور لي فيه
مستفرده بالحسن من وين سرتي
إنت جمالك فوق محدن يوازيه
______________
في عطر هذي الأنوثة اللي فيك
يحتويني غيم ليله ماطرة
يا ملامح نادره
كل حسن ( ن ) يوصفوا لي
شفته فيك !!
______________
فيني أبكي لو معي قلتي : تعال
وهاك صدري فيك تفرح فيه وتبكي
وما لقيتك لا حقيقه ولا خيال
واختنقت بكل دمعي قبل محكي
بقلمي ونبضي / سعيد مصبح الغافري ____________________________