كيف أشفي جروحي بعد أن أهان كرامتي أمام الناس في المول
متى يجب أن تقول المرأة كفى؟ هل يوجد معيار معين لتحديد كمية الصبر المقبولة والتي يصبح الصمت بعدها سلبية وذلاً وإهانة للكرامة وتقصيراً في حق الذات؟! إلى أي درجة تكون عصبية الرجل طبيعية؟ ومتى تصبح عصبية مرضية لا يجب السكوت
عنها؟
أسئلة كثيرة تبادرت إلى أذهاننا عند قراءة مشكلة صديقة حلّوها التي أرسلتها لنا بحزن وألم، آملة أن تصل إلى حل يشفي جرحها ويجبر كسر قلبها. إليكِ تفاصيل القصة كما روتها بأناملها، علّكِ تساعدينها في الحل والمشورة:
"أنا إمراه عمري ٢٣ سنه عندي ولدين بنت وصبي، متزوجه من ثلاث سنين تقريبا، زوجي ببدايه حياتي كنت أحبه كتير وكان بينا مشاكل من بدايه حياتنا بعضها بسبب الاهل وبعضها بسبب عقليته انه هو شوي بتوسوس وبدقق ببعض الامور وعصبي كتير كتير بس بعد فترة ثلاثه شهور بدت تزداد عصبيته كتير كتير وتزداد المشاكل قدام الولاد ووصلت مؤخرا للضرب قدام الولاد واهله احيانا، واخر مره وصلت للطلاق بس بعدها هديت الامور بيني وبينه يعني طبعا ما خلصت المشاكل ولا غير طبعه بالعصبية بس انا صرت اتحاشى اي شي معاه يعني لا ادخل بنقاش ولا جدال لانه بس جادلت او دخلت معاه باي نقاش رح يصير مشكله ورح يعصب. صراحه فكرت كذا مرة اتركه، من فتره صار موقف معي بالمول عام و هان كرامتي قدام الكل ورجع بعدها صالحني بس في شي انكسر جواتي منه يعني انا هلا ما بدي اتطلق ولا بدي اترك لاني بدي يكون بينا حياه زوجيه سلميه الى حد ما لانه اكيد ما في حياه خاليه من المشاكل بس عم حس بكسر جواتي وبنقص فيني مع اني عم حاول اتجاوز هاد الشعور لكفي معاه الدرب بمحبه وتفاهم. يا ريت تفيدوني بارائكم و تعطوني افكار لعلاج عصبيته الزايده
القصة منقولة لطرح الحلول والنقاش
