المساعد الشخصي الرقمي

مشاهدة النسخة كاملة : يــــا أبــــويـ



صمت الفجر
25-09-2014, 08:34 AM
يابوي ليه تبكي كل ما شفتك وعينـك لـي ؛،؛
تخاف أموت يابوي ... وقبل الموت تبكيني

كفا يابوي لا تبكي وأنا موجود معك وحـي ؛،؛
أجل بعد الرحيل أشلون في قبري توطينـي

ابوي لو تموت الناس ماتسوى دموعـك ذي ؛،؛
وأنا يابوي ميت قبل أموت وأنت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عاذبي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـا لا تخلينـي

يابوي مابي غيرك يغسـل جثتـي بالمـي ؛،؛
وتكفا قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهني لبيـت الله .. وقبلـه المصلينـي

وحط الطين وأدفني وعز اللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر كل شي كان وأذكر.. يـوم انـا حـي؛،؛



ولكـن أسالـك بالله يابـوي لا تبكيـنـي

نوارة الكون
25-09-2014, 08:38 AM
سلمت يمناك اختيار متميز ربي يعطيك العافيه

حبي خالص
25-09-2014, 08:49 AM
صمت نص جدا جدا رااااااااااااااااااااائع
راق لي كثير وللبعيد أخذني
يعطيك ربي العافيه

ملاحظه / يضاف النص لمكتبة النصوص المميزه

رايق البال
25-09-2014, 09:38 AM
هلا فيك صمت ..
الله عليك الله نص واختيار لايتقنه سواك
الف شكر لهكذا ابداع وجهد وتفاعل جميل .. كلك ذوووق
( نص يستحق النجوم الخمس)

مجنونك ما يخونك
25-09-2014, 11:02 AM
أتيت لأقف بين سطورك

أتيت لامتع عينى

بعذب البوح وجميل الكلام

أتيت وقد شدنى النور المنبعث

من هنا

عملاق الشعر
25-09-2014, 11:16 AM
صمت الفجر


نص في قمة الجمال

وذوق راااااقي جدا جدا

سلمت يداك المبدعة وذوقك الراقي

مفآهيم آلخجل
25-09-2014, 11:07 PM
ذآئقة رآئعة
إنتقآء مميز
كل آلشكر لك!

امنتك الله
26-09-2014, 12:00 AM
رائعه
محزنه
كلمات كلها احاسيس